CAAlonso Producions - BLOG

Ya a la venta “Galicia en Clips” (Volta, 2012): Un libro que recoge 30 años del vídeo clip en Galicia.

2012-02-02T23:46:00.001+01:00

Casi 30 años de vídeo clip en Galicia dan para hablar de muchas bandas, realizadores, programas de televisión… y para hacer un viaje por su audiovisual en relación con uno de los grandes aliados de la imagen como eje: la música, en este caso la música gallega. Un libro escrito y dirigido por Fernando Fernández Rego, autor de “50 Años de Pop, Rock y Malditismo en la Música Gallega” (Toxosoutos, 2010) y uno de los administradores de La Fonoteca, y Pablo Portero, guionista y director ferrolano, programador y colaborador, como Fernández Rego, de distintas publicaciones.

Un trabajo que tira la primera piedra en Galicia en cuanto a publicaciones asociadas a este tema: el videoclip, con espacio para un recorrido por el audiovisual gallego más reciente, desde los tiempos de Antón Reixa y Xavier Villaverde hasta la actualidad, con los trabajos de Javi Camino y Rubén Domínguez (Telephones Rouges, Metralletas Lecheras), pasando por el Xabarín Club, los tiempos del Bravú, el Indie de los 90… que cuenta con entrevistas con algunos protagonistas fundamentales, músicos (Quant, Novedades Carminha, Triángulo de Amor Bizarro), realizadores (Carlos Alberto Alonso), y creadores de distintas generaciones. Un libro que ya maquina su presentación por Galicia adelante.

Su presentación tendrá lugar el próximo sábado 4 de Febrero de 2012 entre los actos programados para la Mostra Audiovisual de Vedra 2012. El volumen estará a la venta a partir del viernes 10 de febrero, aceptándose reservas en info@voltaevolta.com (18 €, gastos de envío incluidos).

Algún Día Venceremos!

2011-06-17T08:14:00.002+02:00

Sábado 21 de maio, Festa das Letras Galegas en MADRID

2011-05-18T09:56:00.009+02:00

O sábado 21 de maio, Festa das Letras Galegas en MADRID cun amplo programa de actividades musicais e audiovisuais que incluirán a proxección de “As Muxicas” ás 19:00 na Sala 2, e “Naturalidade Silvestre: Roger de Flor” (Versión Redux) ás 16:00 na Sala 1. E ás 21:00 gran festa gastronómica: empanadas de carne e bonito, pulpo á feira, boliños preñados, tarta de Santiago, viño albariño “Valmiñor”, cervexa, licor café, e como non Queimada, na LA TABACALERA (Calle Embajadores 53, Madrid). Idevolo perder?. Programación completa na web oficial de http://www.galiciaenmadrid.com/programa/

festa das letras gallegas TABACALERA 21-05-2011 from Ángel Araújo on Vimeo.

"Naturalidade Silvestre: Roger de Flor" nominado aos Premios Mestre Mateo 2010 na categoría de Longametraxe Documental

2011-03-15T14:41:00.020+01:00

Necesitabamos algo, así... O recoñecemento ao traballo duns grandísimos artistas: Roger de Flor, O Neno Elliott, Magín Blanco, O Marqués das Viñas, Cabe, Sergei Izmailov e tódolos músicos "invisibles" que saídes no documental (e os que non tamén) ... Merecedes todo esto e moitos máis.

Gracias especiais a Ruben Coca e a Nicolás Vidal. Sen vos este traballo non sería posible. E por suposto a tódolos que colaboraron neste proxecto. E para celebralo presentámosvos por primeira vez Online, "Naturalidade Silvestre" na súa Versión REDUX... Un adianto de 16 minutos desta longametraxe documental na que a figura do cantautor Roger de Flor servenos de escusa para adentrarnos no mundo dos músicos vocacionais, dos creadores independentes...

*O mércores día 6 de abril se proxectarán nos Cines Duplex de Ferrol, "Gato Encerrado" (Peque Varela) e "Roger de Flor: Naturalidade Silvestre" (CAAlonso), os dous traballos de cineastas ferroláns nominados aos Premios Mestre Mateo 2010. Organizado por Axente Cultural e o Concello de Ferrol.

Nos medios:

Divertimento para Pequenos Monstros
Entrevista Radiofónica a CAAlonso (08/04/2011)

2011-01-08T12:17:00.001+01:00

Proxección + Concerto na Casa das Campás (Pontevedra)

2010-12-01T10:14:00.005+01:00

Berlanga e As Muxicas

2010-11-13T13:22:00.011+01:00

No ano 2003, Luis Garcia Berlanga formou parte do xurado do Festival de Cine Negro de Manresa, foi él quen persoalmente pelexou contra outros membros de dito xurado -mais embelesados , ao parecer, pola forma que polo fondo dos traballos a concurso- para que a nosa curta As Muxicas levara o primeiro premio, consistente nun fermoso trofeo e unhas pesetiñas que... para que negalo, viñeronnos de maravilla para seguir adiante. Unha verdadeira miragre. Despois daquel premio, e tras levar casi catro meses movendo a curta entre festivais peninsulares... sen éxito, As Muxicas comezou unha traxectoria que a levou polos mais importantes festivais de todo o mundo, incluso alguns programadores retractaronse e tras rexeitala nun primeiro momento quixeron incluia de novo na súa seleccion oficial a concurso.

Por sempre graciñas Mestre.

Ciclo "Novo Cinema Galego" na Casa das Campás (Pontevedra)

2010-10-18T16:28:00.014+02:00

"O 2 de xaneiro deste ano, nas páxinas culturais de Xornal de Galicia, o crítico Martin Pawley arriscaba un titular: "2010, Ano do Audiovisual Galego". Así, en maiúsculas. E nas dúas primeiras liñas dobraba a aposta: “2010 será o ano máis importante da historia do audiovisual galego”. Cinco meses e medio despois, o 22 de maio, unha das películas nas que Pawley sustentaba o seu todo ou nada, o debut de Oliver Laxe na longa distancia, gañaba o premio da crítica no Festival de Cannes. Coa beizón a Todos vós sodes capitáns na Croisette, a etiqueta “Novo Cinema Galego” empezaba a funcionar.

Martin Pawley, Xurxo González e outro colaborador deste diario, o crítico José Manuel Sande, programador da filmoteca galega (CGAI), encárganse de consolidar agora esa etiqueta cun ciclo de proxeccións e coloquios que ocupará a Casa das Campás de Pontevedra todos os venres (19.00 horas) até o 3 de decembro. Novo Cinema Galego, como se alcuma o programa, está coordinado por Suso Novás e patrocinado pola Universidade de Vigo.

Dúas pezas curtas de Peque Varela (Ferrol, 1977) e Oliver Laxe (París, 1982), as seminais 1977, París#1, abriron a programación o pasado venres, e esta semana a quenda será para unha escolma dos traballos do colectivo WeareQQ, formado polo galego Vicente Vázquez e a vasca Usue Arrieta. Nas outras seis sesións proxectaranse tamén obras de Susana Rei, Pablo Millán, Víctor Hugo Seoane, Ramiro Ledo, Xurxo Chirro, Lara Bacelo, Ángel Santos, Antón Caeiro, Alberte Pagán e Carlos Alberto Alonso.

Sete epígrafes organizan a programación. Sete palabras de orde que trazan ou poden axudar a trazar algúns dos elementos que converten a etiqueta “Novo Cinema Galego” nunha ferramenta útil para describir o que se está a facer agora en Galicia: Territorios, Axencia Galega do Audiovisual, Na descuberta, Reciclaxe, Cinefilia, Cine, vídeo e dixital e En concerto.

Aínda que faltan nomes, como os de Marcos Nine ou Eloy Enciso, entre outros, o crítico Martin Pawley cre que a nómina é abondo significativa. Con algunha excepción, son autores nacidos a finais dos 70 ou nos primeiros anos dos 80 que se formaron, na maioría dos casos, fóra de Galicia. Proceden en ocasións de campos alleos ao estritamente cinematográfico e rebélanse, consigna o crítico, “contra a tiranía da ficción”. E fano ademais dende unha profunda cultura visual. É o que o ciclo chama, non sen riscos, cinefilia.

A través dos coloquios que seguirán ás proxeccións, os responsábeis da mostra queren profundar nas causas da aparición desta xeira de cineastas. Unha delas podería atoparse nas políticas audiovisuais desenvolvidas polo goberno bipartito a través da Axencia Audiovisual Galega e as axudas á promoción do talento, hoxe en cuestión. Esa experiencia protagonizará a sesión do vindeiro 29 de outubro".

Fonte: Iago Martínez ( Xornal.com )

Gravando "Siesta Campestre" tema principal de "Naturalidade Silvestre: Roger de Flor"

2010-10-17T23:30:00.002+02:00

Proxección no CGAI e dous concertos na cidade da Coruña (15 - 16 de Outubro)

2010-10-15T17:01:00.002+02:00

Dende Ferrol, para quen queira escoitar...

2010-10-11T16:36:00.001+02:00

"Roger de Flor: Naturalidade Silvestre" no Ciclo "Música e Cine" do 15 Festival Internacional de Cine de Ourense

2010-09-28T15:37:00.012+02:00

Cinema e concerto no mesmo lote...

2010-09-17T12:24:00.011+02:00

"(...) As posibilidades de distribuír unha produción audiovisual en Galicia é un tema común de preocupación para todos os realizadores do país. "Unha cousa é a escaseza de vías de exhibición, e outra a inexistencia, que é moito peor. Certamente o panorama é desolador, e co sistema de película máis concerto podemos ofrecer ós programadores algo máis atractivo", explica Carlos Alberto Alonso, director do documental musical Roger de Flor, Naturalidade Silvestre. Partindo da traxectoria do músico fenés Roger de Flor, Alonso aborda nesta longametraxe documental a problemática dos músicos que tratan de buscar un oco nos circuítos dos concertos en directo en pequenos locais. Con cada exhibición programada, viaxa unha banda encabezada polo propio Roger de Flor, que ofrece un concerto como complemento ó documental. Nesta banda actúan algúns dos músicos que aparecen na película, cunha longa traxectoria na escena musical galega, como Magín Blanco ou o Neno Elliot. "O máis paradóxico é que loitar por buscar un oco de proxección é xusto o que nós contamos no documental coa loita dos músicos por buscar sitios para tocar, co cal estamos vivindo desde dentro a temática do docu", explica este realizador ferrolán formado en Cataluña.

Durante un tempo, Alonso estivo buscando profesionais da distribución e incluso promotores de concertos para que moveran a película e o concerto, pero canso de non atopar resposta decidiu tomar a iniciativa co propio Roger de Flor. "A xente está mal acostumada, e colle como escusa a crise. Algúns non queren nin pagarlle ós músicos, pero, malia todo, estamos colleitando resultados moi satisfactorios", explica Alonso. Entre salas de concertos, festivais de cine, festivais de música e centros culturais, o boca-orella está funcionando e arredor de 2.000 espectadores viron xa Naturalidade Silvestre e a actuación musical complementaria. "Se non fora por este sistema, igual o docu estaba nun caixón, como a maioría do que se produce en Galicia. Aquí tiramos cineastas de músicos e viceversa. Saímos xuntos de xira e iso é enriquecedor", confesa Carlos Alberto Alonso. Xa fixeron dez actuacións e de aquí a fin de ano teñen previstas outras tantas, a máis próxima o vindeiro 7 de outubro no Festival de Cine de Ourense, un encontro que nesta edición dará cabida a varios destes proxectos (...)" (por Alfonso Pato, El Pais, 17/09/2010 , Foto - Xosé Ardá)

Proxección de "Roger de Flor: Naturalidade Silvestre" nas Festas da Parrocheira 2010 (Ferrol Vello - A Coruña)

2010-09-07T14:40:00.009+02:00

O mercores 8 de setembro as 21:00 horas dentro da programación das Festas da Parrocheira 2010, se proxectara o documental “Roger de Flor: Naturalidade Silvestre”. Aínda que Roger de Flor é o protagonista principal deste traballo, a súa figura non deixa de ser unha escusa para falar de tantos e tantos músicos de salas de pequeno aforo, da situación musical galega (ou de mais alá do telón de grelos), e en definitiva, da problemática dos creadores, artesáns e artistas... da legua...

Organiza: A. VV. FERROL VELLO - Xunta Directiva - C/ Curro, 1. 15401 - FERROL - Tlf./fax: 981.356842 - Móvil: 638176108 - avvferrolvello@yahoo.es

A xira "Roger de Flor: Naturalidade Silvestre" na Semán Cultural do Felipop 2010

2010-07-20T23:48:00.025+02:00

O martes 3 de agosto as 22:00 horas dentro da programación da Semán Cultural do Felipop 2010 (A Hortiña, Limodre – Fene, A Coruña), se proxectará o documental “Roger de Flor: Naturalidade Silvestre”, e haberá un posterior concerto eléctrico as 23:30 a cargo de Roger de Flor e Os Silvestres (O Marques das Viñas, Magin Blanco, O Neno Elliott, Cabe Garcia e Sergei Izmailov). No marco desta mesma Semán Cultural, o día anterior, luns 2 Agosto, se proxectará a longametraxe de ficción “A Ola” e ao día seguinte, o mércores 4 de agosto actuará o Mago Martín Varela as 21:30, e as 22:45 o grupo "Carrachanacacha Teatro".

Comeza a xira de proxeccións + concertos: "Naturalidade Silvestre: Roger de Flor"

2010-05-16T05:48:00.035+02:00

O día 22 de maio arranca a xira no marco do Festival de Cans 2010, coa proxección dun adianto do filme as 17:30 na Sala Multiusos, e un posterior concerto acústico de Roger de Flor & Friends no denominado “Jaliñeiro Unplugged”.

A seguinte cita será o sábado 29 de maio na Casa das Atochas na cidade da Coruña, alí se presentará á banda oficial da xira “Os Silvestres” nun concerto eléctrico, despois eso sí, de proxectar o documental en exclusiva para os asistentes ao acto.

Metidos xa no mes de xuño, o mércores día 9 ás 20:30 no Teatro Principal de Santiago de Compostela se realizará a preestrea da longametraxe documental, tendo lugar esa mesma noite sobre as 23:00 un concerto de Roger de Flor & Os Silvestres + Friends na Sala Ultramarinos.

O día 11 de xuño no Centro Torrente Ballester de Ferrol se realizará a estrea mundial de “Naturalidade Silvestre: Roger de Flor”, proxectándose unha versión especial do filme editada especialmente para tal evento. Pecharán a noite o espectáculo Roger de Flor & Os Silvestres acompañados no escenario por diversos amigos e amigas do panorama musical da comarca de Ferrolterra.

O día 2 de xullo haberá unha proxeccion do trailer oficial da longametraxe as 18:00 no Café Teatro - Pazo da Cultura de Naron (Rúa Holanda s/n, Urbanización ”Ciudad Europa” Narón, A Coruña) , e un posterior concerto eléctrico as 23:00 a cargo de Roger de Flor e Os Silvestres (O Marques das Viñas, Magin Blanco, O Neno Elliott, Cabe Garcia e Sergei Izmailov) no mesmo espacio. Ambos eventos incluidos na gala final do proxecto de dinamización turística e audiovisual “Chámalle como queiras”.

(*Si queres levar o Show de "Naturalidade Silvestre: O Filme" a túa vila, atoparás aquí completa información e a forma de contactar con nos).

WEB OFICIAL DA XIRA

NovaS relacionadas:
http://www.boyelliott.com/Naturalidade_Silvestre/Prensa.html

Estrea no 2010 - Trailer #5

2010-04-01T01:01:00.005+02:00

... xa falta menos.

2010-03-21T20:31:00.004+01:00

Pressing Catch, a Violencia Cotiá (Teatro)

2010-03-08T18:35:00.035+01:00

Vivimos na era do medo. Temos medo practicamente de todo; e o medo, ademais de limitar a nosa liberdade, anúbranos o entendemento e fainos manipulables, bonecos nas mans das novas tecnoloxías, dos medios de comunicación, do poder. Non deixa de ser curioso que uns dos programas máis vistos nos últimos dez anos en diferentes televisións do planeta sexan os adicados á loita.

A compañía compostelá Berrobambán decidiuse a facer teatro do espectáculo do “Pressing Catch”, tomando algunhas das súas convencións, e misturando diversas formas artísticas dentro e fora do escenario, ademais da teatral, a musical, audiovisual, dixital e literaria.. Aínda que nas últimas montaxes lle prestaban unha especial atención ao público familiar, Berrobambán aposta agora por un espectáculo para xente moza e adulta no que se reflexiona sobre determinadas circunstancias sociais de rabiosa actualidade.

“Pressing Catch” estrease o día 11 de marzo as 21:30 na Sala Nasa (Rúa San Lorenzo, 51-53 B, Santiago de Compostela). Quen non poida asistir aínda ten o venres 12, sábado 13, xoves 18, venres 19 e sábado 20, ás 21.30, e o domingo 14 ás 20.00. Consultar máis datas.

"O texto colle un tema de cultura ínfima, menor, marxinal; e transfórmao nunha metáfora da sociedade subliñando as violencias que non só físicas (...), violencias máis civís, máis íntimas" (Quico Cadaval, Director da Montaxe).

"Pressing Catch vai alén da montaxe, e artéllase tamén a través da música, o audiovisual ou o multimedia. Amais de actuacións musicais en directo, achega pequenas curtametraxes -realizadas especialmente para a obra- por Carlos Alberto Alonso, que mostran a vida do e das protagonistas cando están fóra do ring". (Dossier de prensa).

A nova na rede:

Xornal 07/03/2010
A Nosa Terra 08/03/2010
Vieiros 08/03/2010
ElPais 09/03/2010
Xornal 09/03/2010
GaliciaHoxe 09/03/2010
LaVozdeGalicia 11/03/2010
CulturaGalega 11/03/2010
LaVozdeGalicia 14/03/2010
CulturaGalega 16/05/2010

Estrea no 2010 - Trailer #4

2010-03-01T04:20:00.004+01:00

La nueva generación del Audiovisual Gallego

2010-02-10T04:03:00.029+01:00

"Con el reciente triunfo de la coproducción gallega Agua fría de mar en el prestigioso Festival de Cine de Róterdam creo que es necesaria una reflexión sobre la nueva generación de productores audiovisuales que están triunfando con sus obras en todo el mundo y que tienen su base de trabajo en Galicia.

El gran responsable del nacimiento de esta nueva generación es el Máster de Producción e Xestión Audiovisual (MPXA) de la Universidade da Coruña y el Grupo Voz. Tanto la gran triunfadora en Róterdam, como el número uno de la taquilla española Celda 211 (Ocho Premios Goya 2010, incluidos los de mejor película y mejor actor) o series de televisión como Guante blanco (TVE) o Gran reserva (TVE) no serían realidades sin la labor formativa del máster que desde hace una década organizan la Universidade da Coruña y el Grupo Voz.

A diferencia de la generación que surgió hace quince años en la Escola de Imaxe e Son de la ciudad de A Coruña, donde la mayoría de los profesionales que dieron un nuevo impulso al audiovisual eran creativos o técnicos, el MPXA ha lanzado a una nueva generación de productores y gestores que están revolucionando el panorama tradicional de nuestra industria audiovisual: Fernanda del Nido, Elena Couto, Alicia Veira, Enma Lustres, Teresa Fernández-Valdés, Borja Pena... son solo algunos de los nombres que normalmente no son conocidos por el gran público y que constituyen la base de la producción audiovisual. Hay otras muchas empresas e iniciativas encabezadas por ex-alumnos o colaboradores de un máster cuya labor silenciosa está sembrando cosechas más que destacables de profesionales fundamentales, y que además están renovando el panorama español de la producción.

Esta nueva generación de productores está logrando utilizar instrumentos como la coproducción o la internacionalización, que de manera tradicional eran asignaturas pendientes, para que el audiovisual gallego consiga hitos nunca alcanzados. Las discusiones estériles sobre la definición de un audiovisual gallego «ensimismado» en sus propias carencias y enfrentamientos han sido rotas por los productores que centrándose en su trabajo nos están dando un presente espectacular, pero que con el tiempo estoy seguro de que darán muchos más resultados para que el audiovisual gallego encuentre su propio talento creativo.

En estos tiempos de crisis deberíamos de fijar nuestra atención en estos casos de éxito, donde el factor educativo ha sido clave para que el audiovisual gallego esté alcanzando cotas nunca imaginadas de calidad y éxito comercial, y que el futuro en el caso de esta industria esté en manos jóvenes y con una gran preparación".

TEXTO: Xosé Zapata
FONTE: (La Voz de Galicia 09/02/2010)

Estrea no 2010 - Trailer #3

2010-02-02T16:28:00.003+01:00

Estrea no 2010 - Trailer #2

2010-01-06T02:40:00.004+01:00

2010, o ano do Novo Cinema Galego

2010-01-02T09:29:00.023+01:00

“Digámolo xa ao principio: 2010 será o ano máis importante da historia do audiovisual galego. Non é unha arroutada chovinista: nos próximos meses presentarán as súas novas obras boa parte dos mellores directores do país, os máis deles moi novos, un feito que nos autoriza a falar en termos xeracionais. Non é tanto un relevo, posto que o cinema de noso non gozou até agora da estabilidade precisa para falarmos de grupos ou colectivos ben diferenciados, senón a consolidación dun conxunto de autores que se expresan con liberdade á marxe das convencións industriais e conectan cos debates e tendencias que caracterizan a creación contemporánea. Falamos pois dun grupo de cineastas que “non chega tarde”, que experimenta as modas e usos audiovisuais ao mesmo tempo que se manifestan no resto do planeta.

Este aliñamento non é algo casual, por outra parte; vén propiciado polo apoio –non só financeiro– prestado pola Axencia Audiovisual Galega, cuxa inusual audacia para mirar máis lonxe non foi suficientemente aplaudida nin polas autoridades –as de agora e as de antes– nin polo sector. Singularmente valiosa foi a creación dunha liña de pequenas axudas á produción audiovisual destinadas aos creadores, as chamadas “de promoción do talento”, que só ao longo de 2009 permitiron o nacemento de máis de trinta traballos cun investimento público equivalente ao que recibe unha soa longametraxe de animación. Máis que un desexo é algo a esixirlle á actual administración o mantemento –e se for posíbel o reforzo– desta política de subvencións c uxos primeiros grandes froitos empezaremos a gozar en breve .

Hai xusto un ano o suplemento de cultura deste xornal dedicáballe un par de páxinas a dous directores galegos cuxa obra completa collía daquela dentro dun DVD: Ángel Santos e Oliver Laxe. Aquel artigo foi unha tan xusta como atrevida aposta nacida do entusiasmo provocado nos meses precedentes polas súas anteriores películas, O cazador e París #1 respectivamente, recoñecidas pola revista Cahiers du Cinéma entre as mellores curtas de 2008 en España. Eles dous seguen a ser os cineastas sobre os que recae a máxima atención. Ángel gravou a comezos do outono a súa primeira longametraxe, Dous fragmentos / Eva, unha historia triangular de amor e desamor coa que volve unha vez máis aos seus temas preferidos, as relacións de parella e a distancia entre as emocións desexadas e as vividas, nun relato deambulante que ten a cidade de Santiago de Compostela como cuarto protagonista. Como resultado do obradoiro de cinema con rapaces en situación de exclusión social que desenvolveu en Tánxer, o galego Oliver Laxe ultima na actualidade a longametraxe Todos vós sodes capitáns, un dos títulos capitais de 2010. Oliver supera o debate sobre as barreiras entre a ficción e o documental para crear unha fermosa peza de cinema extremadamente puro que nos obriga a pensar na linguaxe fílmica, na súa beleza e na súa verdade, por riba de formatos e etiquetas.

O abraiante teaser de Arraianos amosounos un vello en paraxes invernais e neboentas declamando un texto coa forza espectral das películas dos Straub-Huillet. Pouco teñen que ver esas imaxes coas que encherán finalmente o traballo de Eloy Enciso, que rodou o seu documental ficcionado sobre o Couto Mixto durante unha esplendorosa primavera, mais como declaración de intencións é abondo elocuente. A austeridade e o rigor son tamén trazos característicos da obra de Xurxo González, que en Vikingland se vale dun fascinante material alleo –as vídeo-cartas que un mariñeiro galego enviou á familia nos noventa– para elaborar unha relectura do Moby Dick de Herman Melville de dimensións monumentais. No extremo oposto en canto a duración está a curta de animación Gato encerrado de Peque Varela, que en menos de dez minutos fabula coa noción popular das varias vidas que ten un gato e a partir dela reflexiona sobre as desigualdades do noso tempo con sutileza e intelixencia.

Igualmente comprometida é a actitude de Manu Mayo en Dous de vintetantos, documental que lle pon rostro ás vítimas dos accidentes de tráfico e transcende as convencións televisivas grazas á presenza do director, que introduce de forma explícita aspectos íntimos da súa vida. A maior sorpresa vén de man de Vicente Vázquez e Usúe Arrieta, os QQ, que con Canedo regresan ás orixes do primeiro, unha vila preto de Ourense. A tala dunha árbore e a elaboración a partir da súa madeira dun libro que conterá unha foto de familia é a escusa artística dunha película-performance que festexa e honra de maneira libre e lúdica os elementos cos que se constrúe unha identidade.

Manuscritos pompeianos de Marcos Nine, Fatum de Pablo Millán, Contra a morte de Alexandre Cancelo e Iago Martínez, Territorios de Lara Bacelo, Entre linguas de Sanchez Maragoto, Varela Aveledo e Vanessa Villaverde, Roger de Flor: Naturalidade Silvestre de Carlos Alberto Alonso, Gaiteiro! de Rubén Pardiñas, Corpos arbóreos de Andrés Victorero... unha listaxe exhaustiva de títulos de interese está fóra do alcance dun artigo coma este. As obras e os autores xa os temos; agora só falta que o noso país sexa por fin consciente do seu potencial creativo".

TEXTO: Martin Pawley
FONTE: (xornal.com, 02/01/2010)

Outros textos relacionados...
O ano do Novo Cinema Galego by Marcos Nine
O silencio dos cordeiros by Manolo Gonzalez

Estrea no 2010 - Trailer #1

2009-12-21T05:41:00.001+01:00

CAAlonso Producións
có apoio de Ruben Coca PC
presentan

"Roger de Flor: Naturalidade Silvestre" é unha longametraxe documental en torno a figura do cantante e compositor fenés Roger de Flor, no que coa excusa de facer un seguimento da xira de presentación do seu derradeiro disco, intentaremos coñecer a situación actual de tantos artistas de locais de pequeño aforo en Galicia, e profundizar nas motivacións deste creador bohemio, autodidacta e independente.

As opinións, pensamentos e sentimentos de camaradas músicos, xornalistas, escritores, poetas, melómanos e amigos do bardo limodrés, nos servirán para descubrir a un máis que digno sucesor do seu paisano Andrés do Barro. Roger de Flor é un artista que semella fora de época, coma o ianqui aquel da célebre novela da Mark Twain, pero que no lugar de atoparse desubicado na Corte do Rei Artur, inexplicablemente foi recalar a Ferrolterra, esa comarca en declive industrial crónico dende finais do século XX.

UN DOCUMENTAL MUSICAL DE
CARLOS ALBERTO ALONSO

Canción: "Alguien como tú" (Roger de Flor/ Sergio Cabalo)

As longametraxes da xeración 'indie'

2009-11-27T13:25:00.000+01:00

Por vez primeira, Galicia conta cun grupo de cineastas debutantes, independentes, e formados ó abeiro da Axencia Galega do Audiovisual.

Vinte anos despois da estrea dos tres filmes (Sempre Xonxa, Continental e Urxa) que marcaron o evento fundacional da nova era do cinema feito en Galicia, por vez primeira emerxe un grupo de cineastas ós que se lles podería aplicar o concepto de xeración. Roldan todos os 40, forxáronse paseando as súas curtas de festival en festival, formáronse no país, e a maioría tiveron a ousadía de montar as súas propias produtoras para sacar os seus filmes adiante. Casi todos eles debutan como cineastas, reivindican o papel relevante da Axencia Galega do Audiovisual, e caracterízanse por un estilo próximo ó cinema independente.Esta semana estreouse nos cines A noite que deixou de chover de Alfonso Zarauza, e Enrique Otero presentou en Cineuropa un adianto do seu filme Crebinsky. A pasada semana, Relatos, de Mario Iglesias, foi seleccionada para competir en en Tokio, un dos mellores festivais do mundo, e Luis Avilés rematou a montaxe da súa ópera prima, Retornos. Mentres, Fernando Cortizo ultima a rodaxe da longametraxe de animación O Apóstolo, que se estreará en xullo. "É moi bonito ver unha xeración nova, e todos de primeiras películas moi dignas. Creo que somos unha xeración de directores que algún chegará a facer grandes traballos", afirma con entusiasmo Alfonso Zarauza. Este director compostelano aparcou un día Dereito para lanzarse, nos 90 a rodar curtametraxes. Pero a cousa non foi todo o ben que esperaba. "Marchei no 98, porque aquí os produtores só apostaban por directores de fóra, incluso por realizadores noveles, e iso ofendíame. Eu víame capacitado para facer cousas, pero tiven que irme", lembra Zarauza, que malia irse a traballar a Madrid, seguiu facendo en Galicia as súas curtas, "e sempre en galego", salienta. No seu primeiro filme, A noite que deixou de chover, tratou de crear unha historia "moi compostelana, pero que chegue ao mundo".

A intención de darlle carácter universal ás súas historias está presente nestes novos realizadores. Todos rodaron en Galicia, pero co obxectivo de facelas chegar a todo o público. "Intento facer cine desde Noia, non desde Nova York, nin desde Los Ángeles. Creo que é posible traballar desde aquí", afirma Luis Avilés. Esta semana rematou a montaxe de Retornos, un thriller que conta estrear antes do verán. Será o seu primeiro, e está producido por Vaca Films, unha produtora emerxente coa que este realizador noiés confésase cómodo, "porque se preocupan en buscar realizadores en Galicia". Avilés é crítico coa falta de apoio das grandes produtoras e co "pouco que arriscan" á hora de apostar por realizadores de aquí. "Somos unha nova xeración con traballos dignos. Aquí non hai só boas localizacións, tamén bos directores", reivindica este cineasta, fillo do poeta Avilés de Taramancos.

Retornos buscará nas vindeiras semanas convencer a un comité do Festival de Berlín que seleccionará en España películas para o festival. Ese tamén é un obxectivo de Crebinsky, o debut de Enrique Otero, e do que se proxectou a primeira bobina en Cineuropa. "Acabas saíndo nos créditos de director, de productor executivo, de guionista e do que faga falta, pero é que a veces para sacar unha película adiante hai que ser un superhome", presume este realizador de Ortigueira, que fixo o guión co actor protagonista Miguel de Lira. A falta de expectativas para o seu filme, levouno a montar a súa propia produtora, Control Z, pero o camiño non foi doado. "A un mes vista, estabamos por devolver a axuda, pero apareceron Farruco Castromán e Luís Tosar, coa produtora ZircoZine, e déronnos apoio", lembra. "Sen Manolo González e a Axencia Audiovisual este filme xamais se faría. El apostou por esta xeración indie" declara agradecido.

Nas mesmas circunstancias adversas que Enrique Otero, empezou tamén o proxecto de animación O Apóstolo, que se estreará en xullo. Cortizo tamén viu que ninguén cría tanto no seu proxecto coma el mesmo, polo que decidiu sacalo adiante coa súa produtora Artefacto. "Nesta xeración temos en común que asumimos o risco nós mesmos, porque moitos nos consideraban uns mataos sen experiencia previa, pero só nós coñecemos a fe e as posibilidades do que facemos", explica este realizador que un día abandonou a súa carreira como veterinario para dedicarse ó audiovisual. "Somos a última fornada dun traballo serio que se ven facendo en apoio ós novos creadores pero isto hai que regalo, igual que as plantas", advirte, ó tempo que engade que "esta xeración tamén xorde porque se lle deu apoio económico e moral, e agora todo está en stand-by, sen saber que vai pasar". Cortizo é un artesano da animación, un traballador da plastilina que, cunha bagaxe de sete curtametraxes, reivindica a protección da animación feita en Galicia, "e que a xente non marche, agora estamos collendo un nome".

Dunha opinión semellante á de Cortizo é Mario Iglesias, o maior desta xeración de cineastas. Leva xa cinco filmes rodados, pero só un, De Bares, chegou aos cines. O seu último traballo, Relatos, trata de buscar novas canles de distribución, e Iglesias estuda en seguir "un método como o de Pradolongo, case porta a porta". Se hai un paradigma de cineasta indie ese é Mario Iglesias. Move baixos presupostos, ten unha mirada diferente e asume riscos narrativos. Iglesias é o mais veterano destes cineastas pero o mais ousado. "Nos últimos anos estiveron facéndose as cousas ben, e os nosos traballos facíanse visibles que é o que pedimos os cineastas, ademais de estabelecerse entre nós unhas relacións moi produtivas, a ver como evolucionamos", reflexiona este realizador, recén chegado de Tokio, onde o seu filme foi seleccionado en competición oficial. Pero Iglesias aínda vai máis alá: "Agora pódese falar de cine galego, non antes. É un fenómeno recente e podemos sacar peito con orgullo, porque hai unha xeración facendo cousas de calidade". En paralelo aos indies, xa transcorren os sucesores: Dani de la Torre ( Mar Libre ), Alex Sampayo, Pablo Iglesias ou Juan Pablo Etheverry. "Se isto fose baloncesto, os da NBA xa estarían botando un ollo por aquí ", conclúe Luis Avilés.

TEXTO: Alfonso Pato
FONTE: (El Pais, 27/11/2009)

José Luís López Vázquez (1922 - 2009)

2009-11-03T14:49:00.000+01:00

O documental musical "Roger de Flor: Naturalidade Silvestre", estrea no 2010

2009-08-05T15:17:00.000+02:00

"Roger de Flor: Naturalidade Silvestre" pretende ser un documental en torno a figura do cantante e compositor fenés Roger de Flor, no que coa excusa de facer un seguimento da xira de presentación do seu derradeiro disco, intentaremos coñecer a situación actual de tantos artistas de locais de pequeño aforo en Galicia, e profundizar nas motivacións deste creador bohemio, autodidacta e independente. As opinións, pensamentos e sentimentos de camaradas músicos, xornalistas, escritores, poetas, melómanos e amigos do bardo limodrés, nos servirán para descubrir a un máis que digno sucesor do seu paisano Andrés do Barro. Roger de Flor é un artista que semella fora de época, coma o ianqui aquel da célebre novela da Mark Twain, pero que no lugar de atoparse desubicado na Corte do Rei Artur, inexplicablemente foi recalar a Ferrolterra, esa comarca en declive industrial crónico dende finais do século XX.

1ª Mostra de Vídeo Clips Cidade da Coruña 2009 "Video Killed the Radio Star"

2009-06-15T20:01:00.000+02:00

Na declaración de intencións da 1ª Mostra de Vídeo Clips Cidade da Coruña "VIDEO KILLED THE RADIO STAR" (do 29 de xuño ao 4 de xullo do 2009) pódese ler: “O vídeo clip, aínda que nado coma neto do cine e irmá pequeno da televisión, antóxasenos na actualidade coma fundamental soporte da producción musical de artistas e empresas galegas. É -por tanto- preciso, que vaia recuperando ese lugar propio e mais que merecido que ostentaba nun pasado non tan afastado. Facer que eso sexa unha realidade é a nosa verdadeira é única motivación”.

Na súa páxina web pódese atopar abundante información sobre as proxeccións, datas, lugares, participantes, entre os calen se atopan os catro traballos feitos para Roger de Flor por CAAlonso: “Una desconocida más”, “Cuanto hay que aguantar” e “Os dous amigos”, e a peza “Planeta 19” que para Boy Elliott perpetrou o Colectivo Gorevision TV, entre un total de ate 74 pezas. Info aquí

A BSO de As Muxicas en descarga libre

2009-06-04T01:13:00.000+02:00

Si desexas conservar esta sorprendente obra da desaparecida banda ferrolá Os Cempés feita en exclusiva para a curtametraxe "As Muxicas", este é o momento. Coa colaboura de folkloregalego.blogspot.com .

**************

******************

Temas da obra:

******************

01 - As Muxicas

02 - A Treboada

03 - Obsesion

04 - Felicidad

05 - Pasodoble Da Fraga

06 - Bonus Track

*****************

Ligazón:

http://rapidshare.com/files/199542426/Os_Cemp_s_-_As_Muxicas_-_B.S.O.__2002_.rar

A Crónica do Fin (1995 – 2009)

2009-04-14T22:48:00.000+02:00

Galicia, ano 1995, cidade da Coruña. Aos poucos meses de chegar da súa Arxentina natal, José Luís Ducid ingresa na Escola de Imaxe e Son e nese mesmo ano gaña dúas convocatorias coma guionista. En ambos casos o premio consistía na posibilidade de plasmar en celuloide eses textos propios. Pero ocurriu algo curioso: o azar quixo que a organización do certame planificara as dúas rodaxes case simultaneamente... Entón, o afortunado forasteiro, desoíndo os consellos dalgúns avariciosos, decidiu ceder a dirección dunha daquelas curtametraxes premiadas a un compañeiro que apenas coñecía. O ferrolán Carlos Alberto Alonso.

E evidente que rodar en celuloide durante tres días, e dispor dun equipo técnico totalmente gratuíto non era (ni é) ningunha nimiedade como para andar regalándolla a calquera desocupado. Pero semellante acto de xenerosidade de Ducid viña con trampa: o inmigrante quedara convencido da valía de Alonso gracias ós seus aguerridos vídeos de producción independente e ademais esixía a cambio ser el mesmo o (¿galán?) protagonista daquela historia que cedía “desinteresadamente”...

Pechouse o pacto cunha emocionada aperta… E a partir dese intre o choque de visións ferrolano/porteñas sumado aos egos exorbitados destes dous apasioados, testarudos e cinéfilos estudantes, foi total.Rocambolescas circunstancias durante a preproducción e a rodaxe impediron que aquela curtametraxe de terror psicolóxico (tan parecida á propia relación entre o sudamericano e o galego) se levará a cabo na súa primeira fase, tal e como fora planeada. Pero esto só era o comezo (do fin). Ainda máis insólitos foron os problemas nas fases de montaxe, etalonaxe, sonorización, e un largo etcétera máis que se lles veu enriba... Unha concatenación de decisións torpes, tristes, e ate violentas, propias algunhas e alleas a maioría, que só conseguiron que os doce minutos da curtametraxe se perderan nun limbo que vai dende 1995 ate 2009... é dicir, durante case 15 anos.

A versión do filme que foi circulando de "tapadillo" por un par de certames, filmotecas, e -nos últimos tempos- Internet, é unha obra inacabada, unha proba visible e audible do que é un proxecto frustrado, unha ensalada de imaxes e sons que durante anos foi definida polo mesmo Alonso como: “The End, ese fillo parvo, ao que por elo aprecio máis que a ningún”.

Pero todo o que comeza, ten o seu final. Asistamos pois, en sincronía coa milagre da amizade adulta entre os co-guionistas Alonso e Ducid, a (case) “correcta versión” desta escalofriante historia, agora retitulada de maneira un tanto irónica (ou non): “The End: The Director´s Cut”. Oxalá a disfrutedes tanto, pero tanto, como nos padecimos intentando facela...

XA PODES VELA EN FLOCOS TV

Que doce anos non é nada...

2009-03-08T12:49:00.000+01:00

Dani Filloa doce anos despois ( aínda que polas miñas contas saen catorce ; ) demostra en Banda Curta da TVG que aquelo do paso dos anos e o bo viño é certo. Revisando o instante televisivo pensei, qué fermoso sería facer -tanto tempo despois- unha nova tanda de clips para o programa do porco bravo!, estou convencido de que tanto O Neno Elliott, Roger de Flor ou Quant (barrendo para casa, desculpen) estarían máis que dispostos. Queda dito. Por certo, graciñas aos responsábeis do programa musical da galega por esa reseña final á eterna promesa do cinema galego.

O Inspector Tomé en Basesanxoan (San Xoan de Filgueira, Ferrol).

PD.- Definitivamente o Xabarín Club foi todo un referente para varias xeracións de galegos, e por si alguén ten dúbidas que bote unha ollada por aquí.

Un vídeo clip independente merecería estar nominado ós Mestre Mateo?

2009-02-03T13:58:00.000+01:00

Nos pensamos que sí... Por iso, vos convidamos a que lle botedes unha ollada ó que sen dúbida foi o vídeo clip galego do pasado verán, “Roger de Flor: Os dous amigos”, e si sodes membros da Academia Galega do Audiovisual apostedes porque unha produción independente forme parte dos Nominados ós premios Mestre Mateo deste ano.

A pasión é unha emoción crónica

2009-02-02T18:05:00.000+01:00

Jesús Franco recollendo o Goya honorífico, e dando unha lección de humildade e solidariedade sen parangón... Si chego a vello gostaríame ser coma él.

As Muxicas en Flocos TV

2009-01-13T15:50:00.000+01:00

A comunidade virtual do audiovisual galego nace en Internet. A Axencia Audiovisual Galega, da Consellaría de Cultura e Deporte, puxo en marcha o pasado decembro Flocos.tv, un portal con vocación de ser a pantalla para a produción do audiovisual galego na que convivan tanto a industria como os creadores individuais. O obxectivo é crear un novo espacio na Rede para a exhibición e difusión das producións galegas, que ao tempo sirva como lugar de encontro entre os creadores audiovisuais, a industria e os espectadores. Flocos.tv pretende ser un escaparate no que facer visible unha gran parte da produción audiovisual galega do pasado, presente e futuro. Trátase en moitos casos de producións difíciles de ver noutras pantallas (as curtas seguen sen ter espacios de exhibición axeitados tanto nas televisións coma nas salas comerciais), e noutros de creacións rescatadas do esquecemento que forman parte xa da nosa historia. O portal tamén ábrese á industria audiovisual como ferramenta para as súas campañas de promoción, como está sucedendo coa exhibición dos trailers das longametraxes que sen lugar a dúbidas cimentarán as bases do novo cinema galego: “Os Crebinsky”, “Pedro e o Capitán”, “Frío” ou “Dous fragmentos/ Eva”... entre outros. Cada día estrease na web unha nova obra, e cada dúas semanas ponse en marcha un novo ciclo temático. Unha das características máis notables é a alta calidade na que se poden ver as obras na web, moi superior a habitual en portais como Youtube, e coa posibilidade incluso de dispoñer de audiovisuais en calidade HD. Outra caracteristica a destacar e a opción de que calquera internauta pode rexistrarse coma usuario e comentar e puntuar os seus traballos favoritos.

Un vídeo monótono, coma outro calqueira...

2008-12-21T16:23:00.000+01:00

Nestas datas tan sinaladas nos calendarios das grandes superficies comerciais, sobre todo. Roger de Flor chega ós nosos fogares. O bardo limodrés presentará en dous concertos o seu primeiro disco oficial que leva por título “Naturalidad Silvestre”. As actuacións celebraranse o 26 de decembro ás 22 horas no Ateneo Ferrolán e o 3 de xaneiro en Casa Ardá (Limodre - Fene) ás 22:30. Así mesmo, o día 26 estrearase nesta mesma web o ultimo vídeo clip do tándem Alonso - de Flor (co apoio de Ruben Coca Producións), “Días monótonos”. Gravado en tempo record nos estudios “La Buhardilla” -que o cantante Fenés utiliza como búnker creativo en Limodre (Fene, A Coruña)- o vídeo intenta retratar de maneira sinxela o devenir nun día da vida dun artista bohemio, no contexto dunha comarca en declive industrial crónico na Galicia dos comezos do século XXI.

O vídeo clip máis canalla de Roger de Flor

2008-12-02T13:38:00.001+01:00

Hai quen di que nunca debes laiarte dos tempos que che tocou vivir, pois de pouco te servirá. Xa nos oitenta Golpes Bajos cantaba aquelo de "... malos tiempos para la lírica". En tódalas épocas hai esa excepción que confirma a regra, e si entón era German Coppini quen nos daba o toque de atención, agora está aquí Roger de Flor para demostrar que nos comezos do Seculo XXI a cousa non anda moito mellor.

“Cuanto hay que aguantar!”, é o segundo adianto (o primeiro foi “Os dous amigos”) do seu disco “Naturalidad Silvestre (2008)” que sairá a luz en pleno Nadal e que virá acompañado dunha sorprendente xira de presentación en directo que principiará o 26 de decembro no Ateneo Ferrolán para continuar por Vigo e A Coruña, entres outras cidades galegas. Nesta ocasión o bardo limodrés sofre unha insólita mutación, converténdose nun "impersonator" do Sinatra máis “ratpackiano”. Isto e moito máis nunhas imaxes que toman como decorado a noite ferrolá máis insospeitada, neste novo vídeo do tandem Alonso-De Flor (co apoio loxístico de Ruben Coca Producións) que mestura á “Nouvelle Vague” cun Fred Astaire de mércores de mercadillo en Recimil.

Os medios fanse eco:
La Voz de Galicia
Diario de Ferrol
Axencia Audiovisual Galega

"As Muxicas" incluida na rede Cinemas Dixitais da Axencia Audiovisual Galega

2008-11-07T23:20:00.000+01:00

A nosa curta "As Muxicas" foi incluida nesta escolma pensada para converterse nun proxecto histórico dentro da divulgación das curtametraxes galegas. A Axencia Audiovisual Galega acude ó rescate desas producións invisíbeis co propósito de desfacer un desagravio e dar a coñecer parte moi estimábel do noso audiovisual. Pequenas pezas que supuxeron apostas arriscadas en distintos aspectos, poderán ser vistas ao longo e ancho da nosa xeografía, polo tanto este ciclo supón un achegamento á esa parte oculta do audiovisual galego. Así, deste modo, hai que contemplar este ciclo de Cinemas Dixitais coma un tesouro “Curtametraxes galegas: o pequeno é fermoso” constitúe unha mostra do apoio á produción e divulgación das curtametraxes galegas, un proceso creativo fundamental para espertar o talento e a creatividade dos novos realizadores que constitúen o presente e o futuro do audiovisual galego.

“Mínimo común múltiplo 2.0” no MIVICO 08

2008-09-26T17:11:00.000+02:00

O Festival Internacional de Vídeo Creación do Condado, MIVICO 08, que se celebrará en Ponteareas do 3 ao 5 de outubro, inaugura a súa segunda edición coa estrea o venres día 3 de Outubro (no Centro artístico Sportivo de Ponteareas ás 21:30h) de “Mínimo común múltiplo 2.0”, último traballo dun dos directores mais representativos do audiovisual galego actual, Rubén Coca. Un día antes, o xoves día 2 de Outubro na FNAC de A Coruña ás 19:30h os asistentes poderán disfrutar en exclusiva da súa preestrea. En ambas datas, o pase estará complementado coa proxección do making off realizado por CAAlonso “Como se fixo Mínimo Común Múltiplo”. O MIVICO 08 reafirma así a súa aposta decidida pola video creación e o cine independente coa intención ademais de abrir unha fiestra á creación máis arriscada.

“Planeta 19” vence no Apologhit 2008

2008-08-16T13:52:00.000+02:00

Co regusto aínda amargo de ver á grandísima “Os dous amigos” de Roger de Flor na segunda posición no premio do publico, e oitava no do xurado (¿?), non deixa de ser motivo de celebración que vaiamos ser representados no Liet Lavlut: Euro-Festival de Linguas Minorizadas (Laponia) por unha formación de tal categoría, e cun tema tan sobresaínte coma “Planeta 19”. Dende Gorevision TV: The Next Generation ofrécennos este vídeo clip que mestura a música de Boy Elliott & The Plastics Bags cunha peza experimental do mestre Ivan Zulueta.

Sorte en Laponia, rapaces!!!!

Innisfree atópase en Nogueirosa

2008-07-27T20:45:00.000+02:00

O próximo mércores 30 de xullo ao pé do castelo dos Andrade na parroquia eumesa de Nogueirosa terá lugar a estrea mundial do novo vídeo clip do cantautor Roger de Flor: “Os dous amigos”, que de forma reincidente levou a cabo un servidor tras varios meses de esforzo e dedicación. O acto de presentación acontecerá ás 21.00 horas na casa que está baixo o rochoso castelo e irá precedido dunha sardiñada con pan, viño e cachelos. De novo, có apoio técnico de Ruben Coca Producións, puxen imaxes a esta saltarina peza composta polo tandem Roger de Flor/ Nicolás Vidal, e que trata sobre as peripecias de dous entrañables personaxes absolutamente reais: o artesán e poeta Luís Maquieira e o trobador aresán coñecido como o Marqués das Viñas. No proxecto colabora a concellería de cultura do Concello de Fene.

Na actualidade o tema está no concurso "A Polo Ghit" da Radio Galega e o xornal electrónico Vieiros, e atópase xunto ao “Planeta 19” de Boy Elliott e os Plastics Bags nunha competitiva loita para ser os representantes galegos no Liet-Lavlut, o festival europeo da canción en linguas minorizadas. A edición deste ano terá lugar o 18 de outubro en Luleå, capital da Laponia sueca. A canción dos dous amigos precede ao inminente traballo de longa duración De Flor titulado “Naturalidad silvestre”.

ULTIMA HORA: Xa rematou o prazo de votacións en A Polo Ghit, e xa se coñecen os primeiros finalistas, os escollidos cos votos do público. A eles sumaranse outros cinco preferidos polo xurado, e que se farán públicos o sábado. Por esta orde, Arroz, da Banda Potemkin, con 2.743 votos; Licor café, de Skándalo GZ, con 2.639; Planeta 19, de Boy Elliott & The Plastic Bags, con 1.883; Punteirolo pola escuadra, de Trapos sucios, con 1.810; Os dous amigos, de Roger de Flor, con 1.714, e Quente, de Sínefres, con 1.668, xa están máis preto de Luleå.

Segundo se indica nas bases do concurso, o sábado 2 de agosto coñeceranse os dez finalistas, os escollidos polos votos dos internautas e outros cinco designados polo xurado. Abrirase así un novo prazo de votacións para escoller o gañador. A votación popular pecharase o mércores 13 de agosto ás 00:00. O sábado 16 de agosto daranse a coñecer as cancións gañadoras, tanto en Vieiros como no programa Extrarradio da Radio Galega.

Os medios fanse eco:
La Voz de Galicia 17/07/08
Diario de Ferrol 27/07/08
Axencia Audiovisual Galega 29/07/2008
Radiofusion 31/07/2008
Vieiros 31/07/2008

Boy Elliott, Roger de Flor, Los Cosmonautas Rusos e Quant no Apologhit 08

2008-06-14T13:10:00.000+02:00

Xa temos apuntadas catro formacións da bisbarra ferrolán (e o corazón dividido) para a edición deste ano do Apologhit, concurso na procura da canción do verán que argallan a Radio Galega e o portal Vieiros. O Apologhit afronta a súa 3ª edición, e pretende promocionar a música galega, co gallo de atopar esa melodía estival, esa banda sonora galega para este verán do 2008.

Poderedes votar a “Planeta 19” de Boy Elliott (VOTA), “Os dous amigos” de Roger de Flor (VOTA), "O río grande do sul" de Los Cosmonautas Rusos (VOTA) ou “Sinestesia” de Quant (VOTA), entre outras... durante todo o tempo que dure o concurso. Á fin de garantir a fiabilidade do voto electrónico, os usuarios deberán rexistrarse e só poderán emitir un voto cada día. Os oíntes da Radio Galega poderán votar a través de chamadas telefónicas aos programas da emisora, e sms.

O sábado 2 de agosto coñeceranse os dez finalistas, cinco escollidos polos votos dos internautas e outros cinco designados polo xurado. Abrirase entón un novo prazo para as votacións e así escoller o gañador. A votación popular pecharase o mércores 13 de agosto ás 00:00. O sábado 16 de agosto daranse a coñecer as cancións gañadoras, tanto en Vieiros como no programa Extrarradio da Radio Galega.

Ferrol - Ortegal visto por Dani de la Torre

2008-05-21T22:28:00.000+02:00

A pesar de ser un dos entornos naturais mais impresionantes de Galicia, os exteriores da comarca de Ferrolterra non son habituais en produccións audiovisuais galegas ou foráneas. Cineastas coma Roman Polansky con “La muerte y la doncella” ou Win Wenders con “La letra escarlata” foron quen de extraer ás paisaxes da terra de Trasancos parte da maxia e desa fotoxenia natural da que son poseedoras. Agora é o monfortino Dani de la Torre, nesta producción publicitaria encargada polo Plan de Dinamización do Producto Turístico Ferrol - Ortegal, o responsable de retratar a nosa comarca como poucas veces un servidor tivo a oportunidade de disfrutar.

Para quen non o coñeza, ó artífice deste pequena xoia, Dani é sen dubida a gran promesa do audiovisual galego que está por vir. Responsable de tres obras puntais na historia da curtametraxe galega, as nunca suficientemente recoñecidas: “Minas”, “Lobos” e “Bos días”, é asinante ademais de virtuosos exercicios de realización no ámbito da publicidade (Santiago: unha cidade de cine, Galicia Ras). Algúns estamos esperando xa con certa impaciencia, ese proxecto seu de longa duración.

Coma ferrolán, e coma camarada, gracias Sr. de la Torre.

*Por certo, precisamente a que para min e a súa mais destacable obra “Minas” é un dos once traballos que CREA (Asociación de Directores de Galicia) proxectará na súa Primeira Mostra de Curtas, un evento en colaboración co CGAI e programado para os días, 6 de xuño, ás 23:00h e o venres 20 de xuño, tamén ás 23:00h. Con entrada de balde.

“Isolina do Caurel”, “O matachín”, “As Muxicas”, “ASIII_Art” e “A luz que ilumina”, no primeiro día. Mentres, no segundo día serán: “Notamotof”, “El camino del agua”, “Minas”, “Leo”, “Corten” e “Riazor Blues”. Despois de cada pase haberá unha mesa redonda cos realizadores.

The End e As Muxicas no Ciclo Primavera de Cine

2008-05-05T14:07:00.000+02:00

O mércores día 7 de maio ás 20:00, o ciclo PRIMAVERA DE CINE, que se ven celebrando nos Cines Dúplex (Travesía Moreno nº 3, Ferrol) dende fai un mes, entra na súa segunda fase, tocándolle o turno as obras de temática amorosa. Para inaugurar tan romántico ciclo, CAAlonso (e dicir, eu) presentará as súas curtametraxes rodadas en formato de 35 mm, “The End” e “As Muxicas”. A primeira delas pouco de sensibilidade amorosa destila, mais ben todo o contrario, e a segunda, pois sí, ben podería definirse coma unha historia de amor e morte, ¿por que non?.

En calquera caso, será unha oportunidade única para poder disfrutar destes dous traballos no seu formato orixinal. “The End” so foi proxectada en dúas ocasións (ainda que hai quen me perxura tela visto no ano 2000 nun cine da cidade antes dunha peli comercial) no seu formato orixinal, no CGAI no 1994 e no O.F.F. de Ourense no 1996. E “As Muxicas” sí, foi proxectada polo mundo adiante en infinidade de ocasións na súa versión celuloide, pero en Galicia só nunha ocasión, no Festival de Cine de Ourense do ano 2003. Queda un pouco estraño falar de copias en 35 mm nos tempos que corren, pero en fin. Que conste que estou facendo verdadeiros esforzos por reconverterme... A verdade e que a diferencia de vela en DVD a desfrutala no orixinal, é notable. Así que, xa sabedes, estades todos convidados.

A programación completa do mes de maio será -por tanto- coma sigue:

Día 7 - THE END + AS MUXICAS CAAlonso + LOLITA Stanley Kubrick
Día 14 - PERVERSA LOLA Sonia Méndez + IN THE MOOD FOR LOVE (Dut Yeung Nin Wa) Wong Kar Wai
Día 21 - YOU LOOK RIDICULOUS IN THAT MAKEUP Juan Junquera + FUCKING ÅMÅL (FUCKING AMAL) Lukas Moodysson
Día 28 - ETERNAL SUNSHINE OF THE SPOTLESS MIND (Olvídate de mí!) + HUMAN NATURE Doble Sesión Michel Gondry

Organizado por Axente Cultural, e coa colaboura dos Cine Dúplex, Axencia Audiovisual Galega, Universidade A Coruña e Concello de Ferrol. Mil gracias of course, a Ruben Coca e Pablo Portero pola iniciativa, non me cansarei de dicilo.

Primavera de Cine nos Dúplex de Ferrol

2008-03-31T17:19:00.000+02:00

Esta semana comeza nos Cines Dúplex (Travesía Moreno nº 3 Ferrol) o ciclo PRIMAVERA DE CINE, unha proposta que traerá tódolos mércores (a partires das 20:00 h.) dos meses de abril, maio e xuño, e de forma gratuíta, unha escolma de películas en versión orixinal subtitulada, que se agruparán en tres bloques temáticos: musica, amor e animación. Para redondear tan singular proposta, proxectarase tamén unha curtametraxe galega no seu formato orixinal (35 mm, HD...) según sexa o caso, e rizando o rizo, un cineasta ferrolán presentará a súa mais representativa obra na primeira semana de cada ciclo: Ruben Coca o musical, CAAlonso o de temática amorosa (7 de maio) e Peque Varela, o dedicado a animación (4 de xuño).

Esta primeira tanda arranca o vindeiro 2 de abril da man de Ruben Coca, que nos ofrecerá a súa curtametraxe Ecos (nominada aos Mestre Mateo deste ano), recuperará a versión en 35 mm do seu aclamado Notamotof, estreará Como se fixo Mínimo Común Múltiplo, un adianto -en forma de documaking- da súa proximísima ficción en formato curto, e todo isto servira de preámbulo para logo poder disfrutar dun dos mais sorprendentes e arrebatadores documentais sobre a paixón pola musica, xamais filmado: The Devil and Daniel Johnston de Jeff Feuerzeig.

A programación completa do mes de abril será -por tanto- coma sigue:

Día 2 - Ecos + Notamotof + Como se fixo Mínimo Común Múltiplo + THE DEVIL AND DANIEL JOHNSTON de Jeff Feuerzeig
Día 9 - Auga + SYMPATHY FOR THE DEVIL de Jean-Luc Godard
Día 16 - Katiuska + BIRD Clint Eastwood
Día 23 – Formularios truculentos + HIGH FIDELITY de Stephen Frears
Día 30 - 24 HOUR PARTY PEOPLE + NINE SONGS - Dobre Sesión de Michael Winterbottom.

Os programas correspondentes os meses de maio e xuño, ainda estanse ultimando. Estaremos a informar. Organizado por Axente Cultural, e coa colaboura dos Cine Dúplex, Axencia Audiovisual Galega, Universidade A Coruña e Concello de Ferrol.

*Señor Coca, aplausos e vítores pola tan necesaria iniciativa. Non convén olvidar ademais, que o Cine Dúplex é a única sala cinematográfica comercial en activo de Ferrol. Moitos pensaran nos Multicines Cinebox, pero aínda que non o pareza pertencen o Concello de Narón. Así están as cousas, si.

Rafael Azcona (1926 - 2008)

2008-03-25T17:38:00.000+01:00

"La realidad, si no se exagera un poco... se queda en nada"

Filmografía en IMDB

CAAlonso pon imaxes á música de Roger de Flor

2008-01-09T01:01:00.000+01:00

O músico e cantante Roger de Flor estrea na rede o vídeo clip da súa adaptación do clásico ”Simple Twist of Fate" de Bob Dylan, rebautizada coma “Una desconocida más”. Realizado polo cineasta Carlos Alberto Alonso, e contando có apoio de Ruben Coca Producións, a peza foi gravada en Ferrol e comarca durante o pasado mes de decembro, e pretende ser a primeira dunha fructífera colaboración entre estes tres inquedos artistas ferrolterráns.

“Una desconocida más” foi extraído do derradeiro disco -aínda non editado- de Roger de Flor, “Canciones de amor y retranca”, cuestión que non impide que o bardo “limodrés” se atope xa neste intre ultimando os preparativos para a gravación do que será o seu seguinte CD.

Os medios fanse eco:
AXENCIA AUDIOVISUAL GALEGA
LAVOZDEGALICIA
RADIOFUSION
SONOTONE

Gorevision TV: dende o pasado chegou o futuro

2007-12-19T13:54:00.000+01:00

Corría o ano 1993, foi naquel momento cando decidín levar a cabo en compañía dun grupo de camaradas afíns a miña primeira experiencia televisiva. Era unha idea que levaba rondandome pola cabeza facía tempo. O proxecto consistía en lanzar dende a (xa desaparecida) Televisión Local de Narón ese espacio musical que sempre quixemos ver na pantalla, e que naqueles intres non existía... e agora tampouco, para ser honestos.

.....................................................................................................Chamámoslle “Gorevision”, un xogo de palabras entre o termo “Televisión” e o vocablo anglosaxón “Gore”, que como moitos saberedes refírese a un tipo de cine no que a sangue e as vísceras abundan especialmente, e dicir, “Televisión feita coa sangue e as vísceras” ou en definitiva, feita co corazón. Tal cual.

......................................................................................................O experimento tentaba ser unha mestura entre “La Bola De Cristal” e "El astronauta" mítica longametraxe do interesantísimo cineasta Javier Aguirre. Foron case corenta programas, dos que polo de agora so conseguimos recuperar 33. Por Gorevision pasaron nada menos que xente coma Siniestro Total, Australian Blonde, Los Flechazos, Deltonos, Los Sencillos, Ben Vaugh, The Chevelles, Juan De Pablos, Santiago Segura, Cool Jerks, Toñito Blanco ... e un largo etcétera que converteron aquela época, para aqueles rapaces que rondabamos os vintepoucos anos, en algo espectacular, emocionante e inaudito.

O proxecto morreu de inanición, pouco a pouco. Cada vez custaba mais sacar tempo, financiar o material, pagar as facturas da electricidade, a gasolina, etc... Agora e gracias as novas tecnoloxías podémolo compartir con vos. Esperamos que o disfrutedes coma nos o fixemos dándolle vida. A remisión de "Gorevision TV" comezara o 27 de decembro as 21:30. Coa colaboura de Quadra Produccions Audiovisuais.

Un saúdo a todos os que o fixemos posible, a moitos perdinlles a pista. Vai por vos. Foi unha época fermosa.

Os medios fanse eco:
AXENCIA AUDIOVISUAL GALEGA

"As Muxicas" en "Petín, un pobo de cine"

2007-11-27T21:26:00.000+01:00

Como o lema da mostra que leva o seu nome, Petín é un Pobo de Cine. Neste concello ourensano, rodouse -con exteriores na valdeorresa aldea de Santa Olalla- unha das primeiras películas longas en galego “Sempre Xonxa” de Chano Piñeiro, estreada en 1989.

Este ano a mostra “Petín un pobo de cine” -que leva organizándose dende o 1998- pretende especializarse na temática de "Medio Rural e Medio ambiente". As proxeccións realizaranse na Casa de Cultura de Petín, e a programación estará formada por curtametraxes e documentais galegos.

O sábado 01 de decembro as 19:30 poderanse ver as curtas: “A boa caligrafía” (2004) de Alex Sampayo, "Adeus Edrada?" (2006) de Ruben Riós, "As Muxicas" (2002) e "A meiga chuchona" (2006) de Pablo Millán; o domingo 02 de decembro ás 19:30 proxectaranse as curtametraxes "Danza da terra" (2006) de Xosé Vilaboy, "Isolina do Caurel" (1996) de Chema Gagino e "Mamasuncion" (1984) de Chano Piñeiro (foto superior); o luns 03 de decembro poderase desfrutar do documental "Gran Superficie" (2005) de María González, Pedro Ramiro e Isidro Jiménez; o martes 04 de decembro "2050. How soon is now?"(2006) de Ruth Chao e Javier Silva; o mércores 05 de decembro a estrea do documental "Xares, o río que nos leva" (2007) de Pedro Prada, e pechando as xornadas, o xoves 06 de decembro proxectaranse os documentais “Lobos Sucios” (2006) de Felipe Rodríguez e “Con animo de lucro” (2006) de Joan Planas.

Trailer de "Adeus Edrada?" (2006)

1921 - 2007

2007-11-21T22:28:00.001+01:00

Talento irrepetible, personalidade única...

Ademáis de soberbio intérprete, reputado dramaturgo e académico da lingua española, un dos autores-directores de cine máis grandes da historia do sétimo arte de aquí... e de acolá. Obras coma: El malvado Carabel (1956), La vida por delante (1958), La vida alrededor (1959), Solo para hombres (1960), La Venganza de Don Mendo (1961), El extraño viaje (1964), El mundo sigue (1965), Ninette y un señor de Murcia (1965), Mayores con reparos (1966), Juan Soldado (1973), Yo la vi primero (1974), El Pícaro (1974), Bruja, más que bruja (1976), Cinco Tenedores (1979), Mambrú se fue a la guerra (1986), El viaje en ninguna a parte (1986), El mar y el tiempo (1989) ou Siete mil días juntos (1994) atestiguano…

Da imaxe que os medios de comunicación deron deste venerable ancián nos últimos anos prefiro non falar, porque envenenome. Pero non deberíamos estrañarnos de que se trate así aos grandes, neste tempo de incultos, necios, envexosos e mediocres. Analizando a súa traxectoria (incluíndo as súas máis de 200 películas coma interprete) e por si alguén tivera algunha dubida de quen foi en realidade este home, caemos na conta de que ésta fala por si sola, e se non me creen, elixan ao azar calquera dos títulos que arriba lles indico e descubrirán, agás dunha lección -coma mínimo digna- de cine, a un creador que rebosa humanidade, conciencia social e histórica, corrosivo sentido do humor, e por suposto talento. Esto último, algo imperdoable, nos tempos, e no lugar que lle (nos) tocou vivir.

Agora si “maestro”, xa non fai falla que mande a nadie a ningún sitio, déixenos a todos aquí, e marche vostede a onde lle corresponde: ó Olimpo dos Xenios.

Por sempre grande, Fernando Fernán Gómez.

"La vida por delante" (1958)... 01

La vida por delante (1958)... 02

"La vida alrededor" (1959)

"La Venganza de Don Mendo" (1961)

"El extraño viaje" (1964) ... 01

"El extraño viaje" (1964)... 02

Carlos Larrañaga habla sobre "El extraño viaje" ...

"El Picaro" (1974)

"El viaje a ninguna parte" (1986)

Curtametraxistas Indignados

2007-10-24T21:54:00.000+02:00

A Academia das Artes e Ciencias Cinematográficas de España ven de cambiar os mecanismos de presentación de candidaturas para os seus premios anuais na categoría de curtametraxes. Sen previo aviso adiantou o prazo de admisión nun mes con respecto ó que viña sendo habitual en anos anteriores e limitou a duración dos traballos a 20 min., a diferencia dos 30 min. de anos anteriores ou dos 50 min. que recoñece o ICAA. Coma resultado de todo isto, temos que moitas obras quedarán sen poder optar ó que é considerado por algúns, o galardón máis importante do sector cinematográfico español, os Premios GOYA (*).

Por si todos estes cambios non foran poucos, a Academia decidiu tamén que os premios ás curtametraxes sexan suprimidos da gala televisada, entregándose unhas semanas antes na cena dos nominados, o que está motivando a todavía maior indignación de moitos curtametraxistas, especialmente -e por razóns obvias- dos nominados (entre os que este ano se atopan os galegos, Juan Pablo Etcheverry e Juan Galiñanes). E a todo esto, temos que sumar as xa tradicionais discrepancias en torno a un proceso de selección que ás veces non logra detectalas curtametraxes máis significativas do ano (asunto que tamén afecta as longametraxes, todo sexa dito). Outros problemas, coma que o receptor do galardón fora cambiando dunha edición a outra entre director e productor, ou o tema tan de actualidade de si o soporte dixital pode considerarse nominable ou non, son asuntos non menos importantes, pero que saen á luz aproveitando tan inesperada reconversión.

Por todo isto. Dende onte, unha serie de correos electrónicos con múltiples destinatarios iniciaron un denso, intenso e interesante debate que se pretende canalizar dende a web http://www.indignados.org/ . Nela poderedes atopar unha carta dirixida ós responsábeis da Academia acompañada dun pequeno cuestionario/ medidor de indignación. O Prazo para asinala misiva rematará o próximo xoves 01 de novembro ás 10:00h.

(*) Na imaxe “Saturno devorando a su hijo”, óleo de Francisco de Goya que recrea a terrorífica lenda mitolóxica de Saturno, deus do tempo e da morte, o cal, ameazado polo oráculo sobre que un dos seus fillos o destronaría, decidiu devoralos a todos.

Cen anos atrás

2007-09-27T21:14:00.000+02:00

Un ano despois da estrea de “A Casa de 1906” na TVG, a experiencia repítese unha nova temporada non só en Galicia. Cataluña (La Masía de 1907), Andalucía (El Cortijo de 1907) e o País Vasco (Baserria 1907) tamén experimentarán o seu viaxe no tempo cen anos atrás.

Dende o pasado mes de xuño, CAAlonso formou parte do equipo deste reality cultural que comezará a emitirse o vindeiro 03 de outubro en horario de prime-time (21:40). Continental TV e Filmanova fanse cargo da producción desta “A Casa de 1907”, versión do exitoso formato de "The 1900 house" e "Frontier House", que tiveran xa gran aceptación na televisión británica e norteamericana, respectivamente.

Blog en torno ó docu-reality de TVG "A Casa de 1907".

"FAQ" de Carlos Atanes xa a venda (online)

2007-09-03T20:55:00.000+02:00

Dende o pasado 14 de agosto "FAQ: Frequently Asked Questions" de Carlos Atanes entrou no mercado mundial e está ao alcance de todo bruto, sucio, guapo, listo, feo, limpo ou parvo que saiba apertalo botón axeitado do seu teclado no momento oportuno. A globalización xa está aquí e veu para quedar entre nos. En xeral o prezo do filme oscila entre os 18$ e os 25$ e se presenta coma un producto "americano", xa que foron eles (e non outros) os que levaron o gato ao auga e lle deron vida, distribuíndoa. Porque xa se sabe, que unha película non está viva, senón que morta e requetemorta ate que non se distribúe. A continuación, algúns dos seus puntos de venta online: AMAZON , ANIME FESTIVAL , BARGAINFLIX , BLOCKBUSTER , BUY.COM , CD UNIVERSE , CLUBE DE VIDEO, entre outros...

Recoñecemento

2007-07-25T06:47:00.000+02:00

No meu barrio algúns todavía o lembran. No mes de abril do 2003 a nosa curtametraxe "As Muxicas" era seleccionada na IV Edición do Concurso Iberoamericano de Curtametraxes Versión Española/ SGAE. Para complementala súa proxección contárase no plató do devantido programa -presentado por Cayetana Guillen- coa presencia dos cineastas Miguel Picazo e Alejandro Amenabar, que comentaron a peza ante a miña atónita mirada. Sen entrar noutro tipo de valoracións, aquel feito pareceume dende o primeiro instante o recoñocemento a unha labor que arrancaramos no 2000 e que comezaba a velos seus froitos -e despois de moitísimo esforzo- tres anos despois. Paréceme de xustiza -ademais- destacar, que foi aquela unha das poucas ocasións (ata entón) nas que se puido desfrutar de cinema galego (e en galego) nunha televisión española.

¿A conto de qué ven rescatar agora este documento histórico do caixón dos recordos? Ben... Pois para celebrar que o recoñocemento volta a chamar a nosa porta, e que esta vez non tivemos que movernos da terra para saborealo.

Graciñas de todo corazón a quen corresponda.

"Los Trabajos del Director" de Carlos Atanes

2007-07-17T18:02:00.000+02:00

O barcelonés (afincado en Madrid e de ascendencia galega) Carlos Atanes ven desenrolando dende 1987 unha sorprendente traxectoria coma escritor, director e productor, parindo ininterrumpidamente curtametraxes, mediometraxes, documentais e duas longametraxes de ficción ("FAQ: Frequently Asked Questions" e "PROXIMA"), en case todolos formatos coñecidos e sempre de forma independente.

Agora, cando a facilidade de acceso aos novos medios dixitais está incentivando o desexo de dirixir películas a toda unha xeración de novos cineastas, Atanes decidiu que era o mellor momento para volcar as suas reflexións e experiencias nun ensaio, editado a través de Lulu , disponible tanto en formato tradicional de libro coma en formato PDF de descarga.

"Los Trabajos del Director" é unha visita guiada aos recovecos prácticos do cinema (moi) independente (especialmente os da longametraxe, ainda que evidentemente moi emparentados cos da curtametraxe), unha revisión inusual e crítica dos tópicos da dirección cinematográfica (o proceso creativo, o traballo cos actores ou a planificación de secuencias, entre outros). Unha toma de posición na era da revolución dixital e un chamamento a todolos que desexen zambullirse na apaixoante aventura de facer películas.

En xullo, ´Martes Curtos´ no MACUF

2007-06-18T16:05:00.000+02:00

O MACUF , Museo de Arte Contemporanea Unión Fenosa (Avenida de Arteixo, 171, A Coruña) deu a coñecer parte da súa programación cultural para o verán. Entre ela destaca a actividade de promoción de curtametraxes que leva a denominación de “Martes Curtos” no que tres martes do mes de xullo vanse proxectar unha escolma moi ilustrativa deste tipo de producción galega. Esta actividade terá lugar os martes 3, 10 e 17 de xullo, e as curtas proxectaranse no MACUF a partires das 20:00.

Na grella de programación está incluída “As Muxicas” (Martes 17 de xullo), e poderanse ver tamén outros traballos de diversa índole e feitura, desde obras non subvencionadas a outras que recibiron axudas da Consellaría de Cultura e Deporte para a súa realización, desde curtas experimentais a curtas de xénero, desde curtas de curtametraxistas consagrados a directores noveis, etc... Unha excelente oportunidade para ver o estado da curtametraxe en Galicia e para descubrir obras e valores que de seguro darán moito que falar no audiovisual galego.

"Ciudad Ciutat Cidade" (2007) no Teu Tubo

2007-06-09T00:56:00.001+02:00

Estou convencido de que a poesía é moi importante, o que non teño claro é para que. “Ciudad Ciutat Cidade” pretende ser un poema audiovisual, polo menos esa foi a miña intención inicial. Sonche así de atrevido. Non sei si o conseguín, pero do que sí estou seguro é de que se trata dun experimento, dunha necesidade e o tempo dun axuste de contas que tiña pendente coa cidade que foi meu fogar durante oito anos... e ate non hai tanto.
Que Teutubo tivera a ben incluíla no seu catalogo online é una escusa coma outra calquera para podela compartir, con quen inverta o seu tempo de ocio paseando polo meu recuncho na rede.

A partires dun poema do finado Manuel Vázquez Montalban, con música do mestre Bernard Herrman e utilizando o fermoso material gravado pola camarógrafa arxentina Adriana Leira, ésta é a miña humilde “Sinfonía sobre a Cidade de Barcelona”, coma moi amablemente decidiu definila algún. Producida dende a Fundación Autor (Barcelona).

"O Salario do Silencio" en Santiago de Compostela

2007-06-05T12:49:00.001+02:00

Mañá mércores, día 6 de xuño, no Club Internacional de Prensa de Santiago de Compostela (Avda. da Coruña, 6, na entrada do Campus), farase a presentación deste documental que trata sobre o polémico emprazamento da planta regasificadora que a empresa Reganosa construíu no interior da ría de Ferrol.

Presentarán o traballo Enrique Banet, director do documental, e Mabel Rivera, produtora executiva. Os dous forman Namche Films, S.L., empresa encargada da realización do proxecto. No "Salario do Silencio" recóllense as opinións de todas as partes interesadas que teñen que ver co desenvolvemento desta instalación (veciños, movemento opositor á planta, avogados, políticos de todas as tendencias, concelleiros, profesionais como mariscadores, técnicos en construcción naval, mariños mercantes, bombeiros, médicos e enfermeiros de emerxencias, cidadáns en xeral).

Fai algún tempo, o programa "Línea 900" de TVE elaborou unha interesante reportaxe tratando o problema da Instalación da Regasificadora na Ría de Ferrol. Por sorte, alguen decidiu penduralo na rede.

"As dez de... " CAAlonso en Sonotone

2007-05-25T09:40:00.000+02:00

Sonotone, é unha revista dixital de edición semanal -e en galego- dedicada á música de aquí e de fóra, onde podedes atopar novas, entrevistas e reportaxes. Ademais de interesantísimas seccións dedicadas ao cine, o teatro e á literatura. Na súa derradeira actualización invitaron a CAAlonso a contestalo seu cuestionario “As dez de...”, na que o cineasta ferrolán comenta as súas 10 cancións preferidas de tódolos tempos. E aproveitando que as novas tecnoloxías o permiten, aquí podedes gozar dunha delas e do seu portentoso videoclip. "Hurt" dos Nine Inch Nails, versioneada polo finado "man in black" Johnny Cash...

“O Salario do Silencio” no Vicerreitorado de Esteiro

2007-05-22T20:32:00.000+02:00

O venres 25 de maio a partires das 20:00 horas, proxectarase no Salón de Actos do Vicerreitorado de Esteiro (Ferrol, A Coruña) o documental “O Salario do Silencio” sobre a planta de gas situada na ría de Ferrol que dende a súa posta en marcha ameaza permanentemente a vida da poboación próxima (40.000 persoas nun radio de tres kms). Realizado por Mabel Ribeira i Enrique Banet, produce Namche Films.

"Ja en tenim prou" no Ateneo Ferrolán

2007-05-17T14:29:00.000+02:00

O xoves 24 de maio a partires das 19:30 horas, proxectarase no Salón de Actos do Ateneo Ferrolán (Ferrol, A Coruña), a longametraxe "Ja en tenim pro" (Xa tivemos dabondo), que está sendo definida polos seus propios autores coma o "Hai Que Botalos valenciá". Ao igual que "HQB" ou anteriormente o "Hay motivo”, tamén no País Valencià levouse adiante ésta similar proposta. Por iniciativa de Ca Revolta , unha das organizacións socioculturais máis dinámicas do PV, dous centos de persoas da cultura e decenas de organizacións sociais puxéronse man á obra, realizándose 48 curtametraxes. Na súa páxina web http://www.jaentenimprou.org/ , poderedes atopar ampla información.

Premios Mestre Mateo 2006

2007-05-10T23:38:00.000+02:00

"Onte entregáronse os premios Mestre Mateo 06, e “A Casa de 1906”, o exitoso espacio do que formei parte na anterior edición, recibiu os galardóns de Mellor Programa de Televisión e o de Mellor Deseño de Vestiario, o primeiro apoiado por un éxito de público poucas veces coñecido na historia da TVG, e o segundo máis que xustificado polo excepcional traballo de Ana López.

É máis que discutible este tipo de sistema de nominacións no que longametraxes compiten con series e filmes para TV, ou neste caso con experiencias absolutamente innovadoras de Docu-Realidad, pero en fin... Resulta, eso sí, moi esperanzador ver coma por fin se apoia a novos valores con proxectos frescos e arriscados (ben polo valente e reivindicativo discurso de Mario Iglesias), nunha gala na que -en lineas xerais- quedas coa sensación de que se segue respaldando (aínda que algúns premiados bromearan o respecto) ós mesmos de sempre, personaxes de indubidable valía e traxectoria profesional e que na súa maioría xa gozan de suficiente promoción, porque... ¿estes premios son para promover o Audiovisual Galego? ¿non?... esa ampla familia, tan numerosa e necesitada... como todos sabemos.

Pero ésta, non deixa de ser unha simple e humilde opinión, crítica si se quere (constructiva sempre), e baseada -eso tamén e certo- en percepcións absolutamente subxectivas... Así que ninguén se me mosquee... ".

CAAlonso

TeuTubo presenta unha retrospectiva sobre CAAlonso

2007-05-10T23:23:00.000+02:00

Seguindo co propósito de incorporar as pezas galegas perdidas en Internet, a Axencia do Audiovisual Galega pon á disposición dos internautas a meirande parte da filmografía do director ferrolán CAAlonso. Unha retrospectiva que ben se podería titular "Carlos Alberto Alonso: do Capitán Hixiénico a Ciudad-Ciutat-Cidade".

Teutubo estase convertendo nun lugar de referencia para moita xente que entra na rede para descubrir ese audiovisual galego independente (de guerrillas ou como queiramos chamalo) que nalgúns casos non ten facilidade para exhibirse nin sequera nos circuítos habituais desta forma fílmica. Pouco a pouco, e gracias a suxestións dos propios creadores, imos incorporando novas pezas.

Desta forma pódese gozar da curta naif “As Aventuras do Capitán Hixiénico” (1992) ; do documental “Perla” (1995) ; dos videoclips de Blood Filloas “Gorevisión” (1994 -1995) e “Superhéroe” (1996) ; das ficcións “The End” (1996) e “As Muxicas” (2002) , do documental “¿Nunca Máis?” (2005) , e das pezas audiovisuais “Karma” (2007) e "Ciudad Ciutat Cidade" (2007).

Inauguración "Praza do Perla" (Fene - A Coruña)

2007-05-10T23:13:00.000+02:00

(Fene - Ferrol, 02/07/07) O domingo 04 de febreiro ás 12:30h inaugurarase a "Praza do Perla" no Concello de Fene (A Coruña), o conxunto escultórico "Espectador" de Suso Basterrechea, e se proxectará o documental "Perla" de CAAlonso, sobre os derradeiros días do histórico edificio (Cine-Sala de Festas-Cafe Bar).

O acto contará coa intervención de Xosé María Riveira Arnoso (Alcalde de Fene), o escultor Suso Basterrechea e o propio Carlos Alberto Alonso
.